باکمال لوک ، لاجواب سروس، پی آئی اے نے پی پی رہنماواں نوں غلط اے ٹی آر جہاز وچ بٹھا دِتا

لاہور(پاکستان پوائنٹ نیوز27۔دسمبر2016ء) باکمال لوک لاجواب سروس دا راگ الاپن والی پاکستان دی قومی ائر لائن پی آئی اے نے پاکستان پیپلز پارٹی دے رہنماواںنوںغلط جہاز وچ بٹھا دِتا۔ مائیکرو بلاکنگ ویب سائٹ ٹویٹر اُتے اپنے پیغام وچ پیپلز پارٹی رہنما شیری رحمان دا کہنا سی کہ پی آئی اے نے سانوں سکھر دی بجائے ملتان دے جہاز وچ بٹھا دِتا۔اوہناںنے آکھیا کہ ہُن میں ٹھیک جہاز وچ بِہ گئی آں پر ایتھے کوئی بکرا نظر نہیں آ رہیا۔ یاد رہوے کہ پی آئی اے نے اے ٹی آر جہازاں دی اُڈان توں پہلے کالے بکرے دے صدقے دیاں تصویر جاری کیتیاں سن، جہدے اُتے پی آئی اے انتظامیا نوں ڈاڈھی تنقید دا نشانا بنایا گیا سی۔