بیتے ویلے دیاں یاداں: مولانا طارق جمیل جنید جمشید دی سادگی دا قصہ سُناندے ہوئے ہس پئے

بیتے ویلے دیاں یاداں: مولانا طارق جمیل جنید جمشید دی سادگی دا قصہ سُناندے ہوئے ہس پئے

اسلام آباد(پاکستان پوائنٹ نیوز24۔دسمبر2016ء) اک محفل وچ خطاب کردے ہوئے مشہور مذہبی سکالر مولانا طارق جمیل جنید جمشید دی سادگی دااک قصہ سُناندے ہوئے ہس پئے۔ تفصیل دے مطابق مولانا طارق جمیل نے دسیا کہ جنید جمشید نے پہلی وار جدوں نعتاں دے البم دی تیاری کیتی تے مینوں آکھیا کہ مولانا صاحب میں ایہدا ناں ’امر بالمعروف و نہی عن المنکر‘ رکھنا چاہنا واں۔ جہدے اُتے میں ایس سادگی نوں پرکھدے ہوئے آکھیا کہ ایہ البم لئی کوئی مناسب ناں نہیں اے۔ مولانا طارق جمیل نے ہسدے ہوئے آکھیا کہ جنید جمشید بہت سادا سی۔ اوہناں نے آکھیاکہ جنید دے سارے البمز دے ناں میں ای رکھے نیں تے اوہدے پہلے البم دا ناں ’حسن جاناں‘ وی میرا ای رکھیا ہویا اے۔ مولانا طارق جمیل نے دسیا کہ جدوں جنید جمشید نے موسیقی چھڈی تے معاشی حالات تنگ ہو گئے، جنید جمشید دے ایہ حالات سن کہ اوہدے کول ماں پیو دی دوائی لین لئی پیسے نہیں سن۔ مولانا طارق جمیل نے بیتے ویلے دیاں یاداں تازا کردے ہوئے ہور کیہ آکھیا تُسیں وی سنو!