خانیوال: پیسیاں دے لالچ وچ پیو نے اپنا ای پُتر اغوا کرلیا

خانیوال(پاکستان پوائنٹ نیوز22۔دسمبر2016ء) پیسیاں دے لالچ نے خونی رشتیاں دا احساس وی بُھلا دِتا، خانیوال وچ سگے پیو نے ساتھیاں نال رلکے اپنے ای 5ورھیاں دے پُتر نوں اغوا کرلیا۔ ڈی پی او خانیوال جہانزیب دے مطابق کیبر والا وچ عبدالمجید نامی بندے نے اپنے پیو کولوں پیسے لین لئی اپنے پنج ورھیاں دے پُتر صائم علی نوں اپنے ساتھیاں نال اغوا کیتا تے پیسے منگے، ملزم نے ڈیڈھ لکھ رُپئے تاوان لے کے بال وارثاں دے حوالے کر دِتا۔ پولیس نے تفتیش کیتی تے ملزم عبدالمجید دے ملوث ہون دا انکشاف ہویا، پولیس نے ڈیڈھ لکھ رُپئے تاوان برآمد کر کے ملزم نوں گرفتار کر لیا۔