جنید جمشید نوں دفن کرن توں پہلے اوہدی قبر وچوں خشبو آ رہی سی: خاکروب دا دعوا

کراچی(پاکستان پوائنٹ نیوز22۔دسمبر2016ء) پاکستان دے مشہور مبلغ و نعت خواں جنید جمشید چترال توں اسلام آباد آن والی اُڈان وچ سوار سن جدوں جہاز حادثے دا شکار ہویا تے جہاز وچ سوار سارے مسافر تے جہاز دا عملا شہید ہو گیا۔ جنید جمشید دی قبر دی صفائی کرن والے خاکروب نے دسیا کہ جدوں مولانا تقی عثمانی نے جنید جمشید دی قبر دی کھدائی کروائی تے 2توں 3دِنا بعد گورکن نے دسیا کہ اوس قبر وچوں تھوڑی تھوڑی خشبو آ رہی اے۔ خاکروب نے دسیا کہ جدوں قبر وچ صفائی لئی گیا تے خشبو ہور تیز ہو گئی، بعد وچ جنید جمشید دی تدفین والے دن سویرے فجر ویلے ایہ خشبو ہور تیز ہو گئی۔ خاکروب نے دسیا کہ جدوں جنید جمشید دی تدفین کیتی گئی اودوں وی اوہناں دی قبر وچوں بہت زیادا خشبو آ رہی سی، جہنوں اوہناں دے پُتراں نے وی محسوس کیتا تے اسیں قبر دی تھوڑی جہی مٹی اوہناں دے پُتراں اُتے وی پا دِتی۔ خاکروب نے ہور کیہ دسیا تُسیں وی سنو!