لبنان دی سنگر نوال نامی سوانی نے جنید جمشید نوں اپنے نال گانا گان لئی 4کروڑ دی آفر کیتی سی: مولانا طارق جمیل

ویب ڈیسک(پاکستان پوائنٹ نیوز16۔دسمبر2016ء) نجی ٹی وی دے پروگرام وچ مشہور مذہبی سکالر مولانا طارق جمیل نے گل بات کردے ہوئے آکھیا کہ جنید جمشید نوں اک سوانی سنگر نوال نے لبنان وچ اپنے نال گانا گان لئی چار کروڑ دی آفر کیتی سی۔ اوہناں دا کہنا سی کہ سنگر نوال نے شرط لائی کہ اوہ صرف جنید جمشید دے نال ای گانا گائے گی جہدے لئی اوہنے جنید جمشید نوں چار کروڑ رُپئے دین دی آفر وی کیتی تے ایہ گل اج توں 15ورھے پہلا دی اے پر جے ویکھیا جائے تے اودوں دے چار کروڑ اج دے 20کروڑ دے برابر نیں۔ اوہناں دا کہنا سی کہ ’جے جے ‘دے ناں نال برانڈ تے نعت خواں مشہور ہون دے بعد جنید جمشید مینوں آکھیا کردا سی کہ مولانا میں اینے پیسے گانا گا کے نہیں کما سکدا سی۔ پر جو میں راہ چُنیا اوہدے وچ وی اللہ نے مینوں کامیابی دِتی تے سنگر نالوں ودھ عزت دِتی۔ اوہناں نے ہور کیہ آکھیا تُسیں وی سُنو!