رپورٹاں سن کہ ڈی جی آئی ایس آئی نے وزیر اعظم دا ساتھ نہیں دِتا جہدے اُتے ڈی جی آئی ایس آئی نوں بدل دِتا گیا: نجم سیٹھی

اسلام آباد(پاکستان پوائنٹ نیوز15۔دسمبر2016ء) نجی ٹی وی چینل دے اک پروگرام وچ گل بات کردے ہوئے نجم سیٹھی دا کہنا سی کہ وزیر اعظم ایہ سمجھدے سن کہ آئی ایس آئی اوہناں دا ساتھ دیوے گی۔ اوہناں نے آکھیا کہ وزیر اعظم کول کُجھ رپورٹاں سن اوہناں بارے کُجھ نہیں آکھ سکدا کہ اوہناں وچ کہڑیاں رپورٹاں سن یاں کہڑیاں نہیں سن پر وزیر اعظم نوں انج لگدا ہوندا سی کہ شاید آئی ایس آئی اوہناں نوں تحفظ دیوے گی پر شاید آئی ایس آئی نے جے وزیر اعظم نوں تحفظ نہیں دِتا تے نقصان وی نہیں پہنچایا۔ نجم سیٹھی نے دسیا کہ وزیر اعظم نوں پتا سی کہ آئی ایس آئی دی تیار کردا رپورٹ وزیر اعظم دے حق وچ نہیں اے۔ اوہناں نے آکھیا کہ ویکھن وچ لگدا اے کہ ایس اُلجھن توں بچن لئی ڈی جی آئی ایس ائی نوں بدل دِتا گیا۔ یاد رہوے کہ ڈی جی آئی ایس آئی دے عہدے لئی لیفٹیننٹ جنرل رضوان اختر دی تھاں کور کمانڈر لیفٹیننٹ جنرل نوید مختار دے ناں دا اعلان کیتا گیا سی۔