گوجرانوالا(پاکستان پوائنٹ نیوز13۔دسمبر2016ء) گوجرانوالا دے نیڑے انجن روک کے پکوڑے لین دے الزام وچ انجن دے ڈرائیور تے اسسٹنٹ ڈرائیور نوں معطل کر دِتا گیا اے۔ تفصیل دے مطابق محکما ریلوے دی ولوں جاری اک بیان وچ دسیا گیا اے کہ انجن روک کے لاپرواہی ورتن والے انجن ڈرائیور تے اسسٹنٹ ڈرائیور نوں معطل کر دِتا گیا اے۔ ریلوے دے چیف ایگزیکٹو آفیسر جاوید انور دا کہنا سی کہ خالی انجن لالہ موسی دے انجن دی خرابی دے بعد گھلیا جا رہیا سی، واقعے دیاں مڈھلیاں تحقیقات دے بعد ڈرائیور تے اسسٹنٹ ڈرائیور نوں معطل کرن دا حکم جاری کیتا گیا اے۔
یا د رہوے کہ ایس توں پہلے خبر آئی سی کہ ریلوے انجن دے ڈرائیور نے نان چنے تے پکوڑے کھان لئی انجن نوں مین ٹریک اُتے 20منٹ روکے رکھیا، شہریاں دا کہنا سی کہ ڈرائیور دی لاپرواہی پاروں کوئی وڈا حادثہ وی ہو سکدا سی۔ دوجے پاسے محکما ریلوے نے ایکشن لیندے ہوئے ڈرائیور تے اوہدے نال موجود اسسٹنٹ ڈرائیور نوں معطل کر دِتا اے۔
