جنید جمشید دا اپنے کوآرڈینیٹر ارسلان نوں گھلیا گیا آخری وائس میسج

اسلام آباد(پاکستان پوائنٹ نیوز09۔دسمبر2016ء) جنید جمشید دی شہادت دے بعد توں ای اوہناں دے پیغام سوشل میڈیا اُتے مقبول ہو گئے نیں۔ جنید جمشید بارے اوہناں دے دوست تے رشتے داراں دا کہنا اے کہ اوہ اک نہایت نیک تے عاجز انسان سی۔ جنید جمشید ولوں اپنے کوآرڈینیٹر ارسلان نوں گھلیا گیا آخری وائس میسج وی سوشل میڈیا اُتے مقبول ہو گیا اے۔ ایس میسج وچ جنید جمشید نے اپنے کوآرڈینیٹر ارسلان نوں آکھیا کہ توں میرا بھرا اے، مینوں تیرے نال کسے قسم دی ناراضگی نہیں اے۔ توں میرا نِکا بھرا اے تے مینوں تیرے نال کوئی ناراضگی ہو ای نہیں سکدی۔ ارسلان نوں گھلے گئے اپنے پیغام وچ جنید جمشید نے آکھیا کہ یاد رکھی میں اپنی ذات لئی کدی کسے نال ناراض نہیں ہوندا۔ اوہناں نے ہور آکھیا کہ چترال جا رہیا واں، تے جدوں توںچترال آنا ہوئے آ سکدا اے۔ اپنے پیغام وچ جنید جمشید نے ہور آکھیا کہ جے توں چترال نہ وی آ سکے تے کوئی گل نہیں، میری 5یاں 6دن دے بعد چترال توں واپسی ہو جائے گی۔ جنید جمشید دا واٹس ایپ اُتے اپنے کوآرڈینیٹر نوں گھلیا گیا آخری آڈیومیسج تُسیں وی سُنو!