کراچی(پاکستان پوائنٹ نیوز01۔دسمبر2016ء) پاکستان پیپلز پارٹی دے رہنما منظور وسان اپنیاں پیشن گوئیاں پاروں خبراں وچ رہندے نیں۔ تفصیل دے مطابق کراچی وچ اج میڈیا نال گل بات کردے ہوئے منظور وسان نے اک ہور پیشنگوئی کیتی اے، منظور وسان دا کہنا سی کہ آن والے انتخابات وچ مسلم لیگ (ن) گھٹ سیٹاں لووے گی۔ اوہناں نے آکھیا کہ پانانا کیس نواز نوں چھڈے گا نہیں۔
اوہناں نے ہور آکھیا کہ مخالفاں نوں چاہیدا اے کہ اوہ اخلاق دے دائر وچ رہ کے تنقید کرن تے 90دے دہاکے دی سیاست ول واپس نہ آن۔ منظور وسان نے دسیا کہ میں خاب ویکھیا اے کہ آن والے عام انتخابات وچ مسلم لیگ (ن) ملک بھر وچ جدکہ پی ٹی آئی خیبرپختونخوا وچ گھٹ سیٹاں لووے گی،پیپلز پارٹی دے حوالے نال اوہناں دا کہنا سی کہ پیپلز پارٹی دیاں عام انتخابات وچ سیٹاں ودھن گیاں۔ اوہناں نے ہور آکھیا کہ منفی ہتھکنڈیاں پاروں حکومت مضبوط نہیں کمزور ہووے گی۔ اوہناں دا کہنا سی کہ پنجاب وچ پیپلز پارٹی دے پوسٹرز لاہے جا رہے نیں۔ اوہناں نے آکھیا کہ پنجاب وچ پیپلز پارٹی دا مستقبل روشن اے۔
