راحیل شریف نے آکھیا کہ میں خاندانی بندا آں تے نواز شریف دے لَک وچ چھرا نہیں ماراں گا:جنرل (ر) عبدالقادر بلوچ

اسلام آباد(پاکستان پوائنٹ نیوز28۔نومبر۔2016ء) نجی ٹی وی چینل دے اک پروگرام وچ گل بات کردے ہوئے جنرل (ر) عبدالقادر بلوچ دا کہنا سی کہ راحیل شریف نوں پتا سی کہ اوہناں دا ناں غلط تھاں ورتیا جا رہیا اے تے جہدی وجہ توں اوہناں دی شہرت اُتے وی منفی اثر پے رہیا اے۔ عبدالقادر بلوچ نے دسیا کہ اک ویلا انج دا وی آیا کہ اسیں گل بات کر رہے ساں تے اوہناں نے مینوں نے آکھیا کہ ایہ تاثر دین دی کوشش کیتی جا رہی اے کہ میں میاں نواز شریف دے خلاف کسے قسم دی کارروائی وچ فریق بن رہیا واں جدکہ جنرل راحیل شریف دا ایس موقعے اُتے کہنا سی کہ میں اک خاندانی تے پروفیشنل بندا آں تے میں اپنے آپ نوں صرف اپنے پروفیشن تیک ای محدود رکھنا واں تے میاں صاحب دی مہربانی اے کہ اوہناں نے مینوں ایس قابل سمجھیا تے مینوں تعینات کیتا، ایس لئی میں کسے وی جمہوری مسئلے وچ رکاوٹ نہیں بننا چاہندا۔جنرل (ر) عبدالقادر بلوچ نے آکھیا کہ دھرنیاں دے موقعے اُتے آرمی چیف جنرل راحیل شریف نے مینوں بُلاکے آکھیا کہ میں اک خاندانی بندا آں تے میں میاں نواز شریف دے لَک وچ چھرا نہیں ماراں گا۔