سکیورٹی خدشے: سکیورٹی اداریاں نے اہم سیاسی و کاروباری بندیاں لئی سکیورٹی الرٹ جاری کر دِتا

اسلام آباد(پاکستان پوائنٹ نیوز25۔نومبر۔2016ء) سکیورٹی خدشیاں پاروں ، سکیورٹی اداریاں نے پاکستان دے سیاسی تے کاروباری بندیاں لئی سکیورٹی الرٹ جاری کر دِتا اے۔ سکیورٹی اداریاں ولوں جاری خط وچ آکھیا گیا کہ کالعدم تنظیماں اہم بندیاں تے اوہناںد ے رشتے داراں نوں نشانا بنا سکدیاں نیں۔ خط وچ ہور آکھیا گیا اے کہ اہم بندیاں تے اوہناں دے قریبی رشتے داراں نوں ہور سکیورٹی دِتی جائے۔ جہڑے بندیاں دا ذکر سکیورٹی اداریاں ولوں جاری ایس خط وچ کیتا گیا اے اوہناں وچ کیپٹن (ر) صفدر، حمزہ شہباز شریف، مخدوم احمد محمود، شاہ محمود قریشی، جہانگیر ترین، اشفاق ڈوگر، اربا ب عالمگیر تے لاہور دے صنعت کار بابر علی سنے ہور لوک وی شامل نیں۔