کراچی دے شہری دا آرمی چیف جنرل راحیل شریف نال محبت دا انوکھا انداز

کراچی دے شہری دا آرمی چیف جنرل راحیل شریف نال محبت دا انوکھا انداز

کراچی(پاکستان پوائنٹ نیوز25۔نومبر۔2016ء) کراچی دے شہری نے آرمی چیف جنرل راحیل شریف نال محبت دا انوکھا تے وکھ ای انداز اپنایا اے۔ تفصیل دے مطابق کراچی دا رہائشی شبلی نامی بندا آرمی چیف جنرل راحیل شریف دی توسیع دا مطالبا لِتے کئی مہینیاں توں کراچی پریس کلب ساہمنے بھکھ ہڑتال کیتے بیٹھا ہویا اے۔ ایہو نہیں شبلی نوں بھکھ ہڑتال پاروں اک وار فالج وی ہو گیا اے، پر اوہدے مگروں وی شبلی اپنا احتجاج ختم کرن تے اپنا مطالبا واپس لین اُتے تیار نہیں۔ شبلی دا کہنا اے کہ جنرل راحیل شریف دی ریٹائرمنٹ دا دن اوہدی زندگی دا آخری دن ہووے گا۔ شبلی نے میڈیا نال گل بات کردے ہوئے آکھیا کہ راحیل شریف دا کوئی نعم البدل نہیں اے۔ شبلی نے آکھیا کہ میں گھر کدی نہیں جاواں گا، میرا جنازہ وی ایتھوں ای چُکیا جائے گا۔ یاد رہوے کہ شبلی سٹیل مل دا ملازم تے یونین دا عہدیدار وی رہ چکیا اے۔