اسلام آباد(پاکستان پوائنٹ نیوز21۔نومبر۔2016ء) وزیر اعظم میاں محمد نواز شریف خلاف پاناما کیس وچ قطری شہزادے دے خط دے بہت چرچے نیں ایس بارے اپوزیشن رہنماواں دا ایہ کہنا اے کہ قطری شہزادے دا خط صرف وزیراعظم نواز شریف نوں ایس کیس توں بچان لئی ساہمنے لیاندا گیا اے۔ پچھلے دِنا اک ہور انکشاف ہویا اے کہ وزیر اعظم نواز شریف نوں اک کیس وچ بچان لئی پہلے وی اک قطری شہزادے دا خط پیش کیتا گیا سی۔
نجی ٹی وی چینل دے پروگرام وچ میزبان کاشف عباسی نے انکشاف کیتا کہ جون 200وچ وی وزیراعظم نواز شریف نوں بچان لئی اک قطری شہزادے دا خط پیش کیتا گیا سی، جہدے توںایہ گل ظاہر ہوندی اے قطر ی شہزادے دا خط ساہمنے آن دا ایہ کوئی پہلاواقعہ نہیںاے۔ کاشف عباسی نے دسیا کہ اوہ خط عبدالرحمان بن ناصر الثانی نامی اک شہزادے نے لکھیا سی، اوہناں دِنا وچ وزیراعظم نواز شریف اُتے اک ہیلی کاپٹر دی خریداری دا کیس سی، کیس دے متن وچ آکھیا گیا سی کہ وزیر اعظم نواز شریف نے اپنی انتخابی مہم چلان لئی اک روسی ہیلی کاپٹر مُل لیا سی جو اوہناں دی آمدنی توں کیتے زیادا مالیت دا سی پر بعد وچ ایس کیس وچ وی قطری شہزادے دا خط پیش کیتا گیا۔
کاشف عباسی دا کہنا اے کہ ایس کیس وچ الثانی خاندان وزیراعظم نواز شریف نوں بچان آیا تے وزیراعظم نواز شریف دے مبینہ کرپشن نال خریدے گئے ہیلی کاپٹر نوں اپنا من لیا۔ کاشف عباسی نے ہور کیہ انکشاف کیتا تُسیں وی ویکھو!
