اسلام آباد(پاکستان پوائنٹ نیوز17۔نومبر۔2016ء) پاکستان عوامی مسلم لیگ دے سربراہ شیخ رشید نے آکھیا اے کہ اک ویلا سی کہ مصری مرغیاںسن تے ہن قطری دستاویزات آگئیاں نیں۔ اوہناں نے آکھیا کہ شریف خاندان نے جعلی دستاویزات جمع کروائیاں نیں۔ میڈیا نال گل بات کردے ہوئے شیخ رشید دا کہنا سی کہ میں سپریم کورٹ نوں دَساں گا کہ دستاویزات جعلی نیں۔ وزیر اعطم دیاں جمع کروائیاں گئیاں دستاویزات توں میرا کیس واضح ہو گیا اے، ایہناں دستاویزات دی کوئی تصدیق نہیں اے، مریم نواز دیاں دستاویزات دی تصدیق اوہدے شوہر محمد صفدر نے کیتی، پاناما لیکس اُتے میرے موقف دی تائید ہو گئی اے۔
شیخ رشید نے آکھیا کہ نواز شریف نے ہمیشہ اپنے پیراں اُتے آپ کہواڑی ماری اے، شریفاں دی سیاست وی سپریم کورٹ وچ ای دفن ہووے گی۔
