حمد بن قاسم سپریم کورٹ وچ جرح لئی آیا تے وکیلاں دے سوالاں اُتے اوہدیاں لَتاں کنبن گیاں: سینیٹر چودھری اعتزاز احسن

لاہور(پاکستان پوائنٹ نیوز15۔نومبر۔2016ء) پیپلز پارٹی دے رہنما و سینیٹر چودھری اعتزاز احسن نے آکھیا اے کہ حمد بن قاسم سپریم کورٹ وچ جرح لئی آیا تے وکیلاں دے سوالاں اُتے اوہناں دیاں لَتاں کنبن گیاں، حمد بن قاسم دا خط چوری دا اعتراف جرم اے۔ اوہناں دا کہنا سی کہ جدوں تیکر حمد بن قاسم پاکستان نہیں آﺅندا تے ایہ خط ردی دا ٹکرا اے، سپریم کورٹ وچ پیش کیتا گیا خط سنی سنائی گل توں شروع ہوندا اے تے دسیا گیاتوں ختم ہوندا اے۔ اوہناں دا کہنا سی کہ نواز شریف دے بیاناں وچ مکمل تضاد اے، جدوں شریف فیملی دا سمجھوتا ہویا تے اوس ویلے حمد بن قاسم دی عمر صرف 2سال دَسی گئی اے۔