سی پیک دی افتتاحی تقریب: وزیر اعظم میاں نواز شریف دی غلطی پھڑی گئی

گوادر(پاکستان پوائنٹ نیوز14۔نومبر۔2016ء) سی پیک منصوبے دے تحت گوادر بندگاہ اُتے تجارتی سرگرمیاں باقاعدا شروع ہو گئیاں نیں۔ تفصیل دے مطابق پچھلے دیہاڑے منصوبے دی افتتاحی تقریب نال خطاب کردے ہوئے وزیر اعظم نواز شریف غلطی کر بیٹھے۔ سڑکاں دا جال وچھان اُتے تقریب نال خطاب کردے ہوئے وزیر اعظم نواز شریف ایف ڈبلیو او دی تعریف کرن لگے سن پر اوہناں نے (تعریف جوگ) کمنٹ دی تھاں (مذمت جوگ) بول دِتا۔ جہدے اُتے اوہناں نوں ڈاڈھی تنقید دا نشانا بنایا گیا۔ عالمی سطح اُتے خاص اہمیت رکھن والی ایس تقریب وچ اک ہور غلطی ایہ ہوئی کہ عین افتتاح دے موقعے اُتے کسے بندے دا سِر کیمرے دے ساہمنے آ گیا، جس پاروں افتتاح ہون دی فوٹیج حاصل نہیں کیتی جا سکی۔ گوادر پورٹ دی افتتاحی تقریب دی ایس ویڈیو نوں تُسیں وی ویکھو!