راولپنڈی(پاکستان پوائنٹ نیوز11۔نومبر۔2016ء) چیف آف آرمی سٹاف جنرل راحیل شریف نے سوات وچ فوجی چھاﺅنی تے آرمی پبلک سکول دی نینہ رکھ دِتی۔ آئی ایس پی آر دے مطابق آرمی چیف جنرل راحیل شریف نے اج سوات دا دورا کیتا، جتھے اوہناں نے فوجی چھاﺅنی تے آرمی پبلک سکول دی نینہ رکھی۔ آئی ایس پی آر دے مطابق جنرل راحیل شریف نے تقریب نال خطاب کردے ہوئے آکھیا کہ فوجی چھاﺅنی بنن نال سوات وچ ترقی دا نواں دور شروع ہووے گا، چھاﺅنی بنن نال لوکاں نوں صحت و تعلیم تے روزگار دے موقعے ملن گے۔ اوہناں نے آکھیا کہ چھاﺅنی بنن نال علاقے وچ خشحالی آوے گی۔ جنرل راحیل شریف دا اپنے خطاب وچ ہور کہنا سی کہ سوات وچ امن فوج تے ایتھوں دی لوکائی دیاں قربانیاں پاروں آیا۔
آرمی چیف نے سوات وچ فوجی چھاﺅنی تے آرمی پبلک سکول دی نینہ رکھ دِتی
فوجی چھاﺅنی بنن نال سوات وچ ترقی دا نواں دور شروع ہووے گا، سوات وچ امن فوج تے لوکائی دیاں قربانیاں پاروں آیا: جنرل راحیل شریف دا خطاب
8 سال پچھے
