کراچی(پاکستان پوائنٹ نیوز07۔نومبر۔2016ء) پاکستان دی سبھ توں وڈی تے قومی آئل مارکیٹنگ کمپنی سٹیٹ آئل (پی ایس او) نے ورتیندڑاں نوں بہتر خدمتاں دی فراہمی دے پیش نظر اپنیاں کوششاں نوں جاری رکھدے ہوئے بہتری معیار دی فیول پراڈکٹس Altron Pemium تے Altron XHigh Performance فروخت کرن دا آغاز کر دِتا اے۔ نویاں وستاں کراچی وچ پاکستان سٹیٹ آئل دے فیول سٹیشنز اُتے فروخت شروع کر دِتی گئی اے جدکہ ملک بھر وچ ایہ وستاں آئندہ تن توں چار دِناں وچ دستیاب ہون گیاں جہدے لئی پی ایس او دے سینٹرل تے نارتھ ریجن نوں نویں پراڈکٹس دی سپلائی شروع کر دِتی گئی اے۔
پاکستان سٹیٹ آئل نے ملک وچ پہلی وار اعلا معیار دے فیول (Ron Research Octance Number) نوں متعارف کران لئی حکومت پاکستان تے وفاقی وزارت پٹرول و قدرتی وسائل دے ویژن نوں عملی جامہ پہنان وچ بنیادی کردار ادا کیتا اے۔ ہائی گریڈ RON فیول دا استعمال نہ صرف گڈیاں دے انجن دی معیاد ودھان وچ مددگار ثابت ہووے گا بلکہ اوہدے استعمال پاروں انجن دی مرمت دی مد وچ ہون والے خرچےاں وچ وی کمی واقع ہو گئی۔
انجن دی بہتر کارکردگی پاروں فیول کاربن دے کم خرچیاں پاروں ماحول لئی وی چنگا ثابت ہووے گا۔ متعارف کرائی جان والی نویں پراڈکٹ رینج گھٹ ایندھن خرچ کردے ہوئے زیادا سفر طے کرن، انجن دی کارکردگی نوں بہتر بنان تے ورتیندڑاں لئی گڈی چلان دے بہترین تجربے دا ذریعہ بنے گی۔ ایس پیش رفت بارے گل بات کردے ہوئے پاکستان سٹیٹ آئل دے ایم ڈی شیخ عمران الحق نے آکھیا کہ ایس پراڈکٹ رینج متعارف کران دا مقصد پی ایس او دے لکھاں ورتیندڑاں دے کمپنی اُتے اعتماد نوں ہور مستحکم بنانا اے۔
نویں پراڈکٹ رینج پاکستان وچ ایندھن دے معیار نوں بین الاقوامی معیار توں ہم آہنگ بنان وچ اہم پیش رفت اے۔ پاکستان سٹیٹ آئل نوں ایس گل اُتے فخر اے کہ اوہ پاکستان دی پہلی آئل مارکیٹنگ کمپنی اے جو ملک وچ اعلا معیار دے ایندھن نوں رائج کرن وچ قائدانا کرداار ادا کر رہی اے۔ ملک وچ ایندھن دے معیار دی بہتری تے توانائی دی قومی طلب پوری کرنا پی ایس او دے مشن دے بنیادی مقصداں وچ شامل اے۔ پاکستان سٹیٹ آئل اپنے ایہ دوویں اعلا مقصداں نال پورے کر رہی اے۔ پاکستان سٹیٹ آئل ایس عزم دا اعادا کردی اے کہ ورتیندڑاں دے فائدے تے بہترین تجربے لئی عملی اقدامات دا سلسلا ایسے جذبے نال جاری رکھیا جائے گا۔
