سعید غنی نے وزیراعظم ”آنڈے والا“ دے نعرے لوادتے

سعید غنی نے وزیراعظم ”آنڈے والا“ دے نعرے لوادتے

کراچی(پاکستان پوائنٹ نیوز14۔دسمبر۔2018ء) پیپلز پارٹی دے مرکزی رہنما سعید غنی نے وزیراعظم ”آنڈے والا“دے نعرے لوا دتے۔ اوہناں نے احتجاجی وکھالے نال خطاب کردے ہوئے آکھیاکہ صوبے دا حق کسے نوں کھون نہیں دیواں گے۔ میڈیا رپورٹس دے مطابق کراچی وچ پیپلز پارٹی نے گیس دی لوڈشیڈنگ خلاف وکھالا کیتا۔ وکھالے دوران وفاقی حکومت دیاں پالیسیاں خلاف نعرے بازی وی کیتی گئی۔

ایس موقعے اُتے صوبائی وزیر بلدیات سندھ سعید غنی نے آکھیا کہ صوبے دا حق کسے نوں کھوہن نہیں دیواں گے۔ سی این جی حکام نے کل توں گیس کھولن دا یقین دوایا اے۔ وفاقی حکومت مجبور ہو کے سندھ دی گیس کھول رہی اے۔ اوہناں نے آکھیا کہ مستقبل وچ گیس بند کیتی گئی تے ساڈا احتجاج ایس ایس جی سی دفتر ساہمنے ہوئے گا۔ ایس موقعے اُتے سعید غنی نے وزیر اعظم عمران خان خلاف نعرے وی لوائے۔

جیہدے وچ اوہناں نے آکھیا کہ آؤندے ویلے نوں جدوں عمران خان دا ناں لوو تے وزیر اعظم ”آنڈے والا“آکھو۔ سعید غنی نے وزیر اعظم ”آنڈے والا“ دے نعرے وی لوائے۔یاد رہوے کہ صوبے بھر وچ چار دن گیس بند رہن مگروں سوئی سدرن گیس حکام نے یقین دوایا کہ کل (ہفتے) توں سندھ وچ سی این جی سٹیشن کُھل جان گے۔سوئی سدرن گیس حکام دا آکھنا اے کہ سی این جی سٹیشناں نوں متبادل وسیلیاں توں گیس دتی جائے گی۔