اسلام آباد(پاکستان پوائنٹ نیوز14۔دسمبر۔2018ء) پاناما کیس وچ سابق وزیر اعظم نواز شریف خلاف بنائی جان والی جے آئی ٹی(جوائنٹ انویسٹی گیشن) دے سربراہ واجد ضیا نوں اقوام متحدہ وچ تعینات کیتے جان دا امکان اے۔ میڈیا رپورٹس دے مطابق وفاقی ایجنسی ایف آئی اے دی درخاست اُتے وزارت داخلا اسٹیبلشمنٹ ڈویژن نے اک سمری گھلدے ہوئے ایس سلسلے وچ اجازت منگی اے۔
قانونی مرحلے پورے ہون مگروں ای ایچ آر ڈویژن اوہدی منظوری دیوے گا۔یاد رہوے کہ واجد ضیا گریڈ 21دے افسر نیں۔ سپریم کورٹ نے مئی 2017وچ پولیس سروس آف پاکستان دے افسر واجد ضیا نوں جے آئی ٹی دا سربراہ بنایا سی جو چھ ممبراں اُتے مشتمل سی۔ جے آئی ٹی نے سابق وزیر اعظم نواز شریف اوہناں دے بالاں تے داماد کیپٹن (ر) صفدر خلاف تحقیقات کیتیاں سن۔ جیہدے اُتے نواز شریف نوں زندگی بھر لئی نااہل قرار کردتا گیا۔
