ڈالر دی قدر وچ وادھے نال سعودی ریال وی مہنگا ہوگیا

ڈالر دی قدر وچ وادھے نال سعودی ریال وی مہنگا ہوگیا

کراچی(پاکستان پوائنٹ نیوز14۔دسمبر۔2018ء) ڈالر دی قدر وچ ودھدے نال ای غیر ملکی کرنسیاں وچ وی وادھا ہو گیا اے۔ تفصیل دے مطابق پاکستانی رُپئے دے مقابلے وچ امریکی ڈالر دی قدر وچ 2پیسے دی کمی ہوئی جدکہ اوپن کرنسی مارکیٹ وچ ڈالر دی قدر 70پیسے وادھے نال 140رُپئے تیکر اپڑ گئی۔ ہور غیر ملکی کرنسیاں وچ یورو دی قیمت خرید وچ اک رُپیہ تے قیمت فروخت وچ 70پیسے تے برطانوی پاؤنڈ دی قیمت خرید وچ 2.00رُپئے تے قیمت فروخت وچ 1.70رُپئے دا وادھا ریکارڈ کیتا گیا جیہدے نال ترتیب وار یورو دی قیمت خرید156.80رُپئے توں ودھ کے 157.80رُپئے تے قیمت فروخت158.60رُپئے توں ودھ کے 159.30رُپئے ہو گئی۔

ایس توں وکھ برطانوی پاؤنڈ دی قیمت خرید173.50رُپئے توں ودھ کے 175.50رُپئے تے قیمت فروخت 175.30رُپئے توں ودھ کے 177.00رُپئے ہو گئی۔جدکہ سعودی ریال دی قیمت وچ 15پیسے تے یو اے ای درہم دی قیمت خرید5پیسے دا وادھا ہویا تے قیمت فروخت وچ 5پیسے دی کمی ریکارڈ کیتی گئی۔ دوجے پاسے ملک بھر وچ ڈالر دی قدر وچ اک وار فیر وادھے دا خدشہ پیدا ہو گیا اے۔