اسلام آباد(پاکستان پوائنٹ نیوز14۔دسمبر۔2018ء) اپوزیشن لیڈر شہباز شریف نوں چیئرمین پبلک اکاؤنٹس کمیٹی بنان اُتے حکومت تے اپوزیشن وچکار سانجھ ہوگئی اے جیہنوں وزیر اعظم عمران خان دا اک ہور یوٹرن قرار دتا جا رہیا اے۔ ایس بارے گل بات کردے ہوئے مشہور پرچا کار رؤف کلاسرا دا آکھنا سی کہ ایس معاملے وچ عمران خان دا پہلے دن توں اپنایا گیا موقف بلکل ٹھیک سی۔
اوہناں نے آکھیا کہ حکومت اک نیوٹرل بندے نوں چیئرمین پی اے سی لانا چاہندی سی ، ایہدے لئی فخر امام تے اختر مینگل دے ناں بہتر سن۔ حکومت نوں چاہیدا سی کہ کسے وی نیوٹرل بندے نوں چیئرمین پی اے سی بنا د یندی۔رؤف کلاسرا دا آکھنا سی کہ بیتے ویلے وچ انج کدی نہیں ہویا کہ پر چالو حکومت نے اک اجیہے بندے نوں چیئرمین پبلک اکاؤنٹس کمیٹی بنایا جو نیب دی حراست وچ اے، ایہ جمہوریت نہیں بلکہ مدر آف آل ڈیلز اے۔ اوہناں دا آکھنا سی کہ وزیر اعظم کتھے کتھے اپوزیشن نال سمجھوتا کرن گے ایہدے توں تے انج ای لگدا اے کہ عمران خان نے این آر او دینا شروع کر دتا اے۔ پر عمران خان نے ایہناں نوں پہلا این آر او دے دتا اے۔
