مولانا سمیع الحق کیس وچ وڈی پیش رفت،مولانا سمیع الحق دے پرسنل سیکرٹری نوں گرفتار کر لیاگیا

لاہور(پاکستان پوائنٹ نیوز13۔دسمبر۔2018ء) مولانا سمیع الحق کیس وچ وڈی پیش رفت ہوئی اے،مولانا سمیع الحق دے پرسنل سیکرٹری نوں گرفتار کر لیاگیا۔تفصیل دے مطابق 2نومبر نوں مشہور عالم دین، مذہبی سکالر و جمعیت علماء اسلام (س) دے سربراہ مولانا سمیع الحق اُتے راولپنڈی وچ قاتلانہ حملا ہویا سی۔ حملے دے نتیجے وچ مولانا سمیع الحق ہلاک ہو گئے ۔ پر ہن مولانا سمیع الحق دی ہلاکت مگروں قانون نافذ کرن والے ادارے قاتلاں نوں پھڑن دیاں کوششاں وچ رُجھے نیں۔

تے ہن دعوا کیتا جا رہیا اے کہ ایس سلسلے وچ وڈی کامیابی حاصل کیتی گی اے ایس حوالے نال تازہ ترین اطلاع ایہ اے کہ پولیس نے مولانا سمیع الحق دے پرسنل سیکرٹری ارشاہ شاہ نوں گرفتار کرلیا گیا اے۔مولانا سمیع الحق دے خاندانی وسیلیاں دا آکھنا اے کہ ارشاہ شاہ 3ہفتیاں توں سکیورٹی اداریاں کول سی جیہناں نوں ہن باضابطہ طور اُتے گرفتار کرلیا گیا اے۔ یاد رہوے کہ ایس توں پہلاں وی 6بندیاں نوں گرفتار کیتا گیا اے ۔