اسلام آباد(پاکستان پوائنٹ نیوز13۔دسمبر۔2018ء) پاکستان مسلم لیگ (ن) دے رہنما رانا ثنااللہ دا آکھنا اے کہ جے اپوزیشن اکٹھی ہو جائے تے حکومت اک مہینے کیہ اک ہفتے اندر جا سکدی اے۔ تفصیل دے مطابق پاکستان مسلم لیگ (ن) دے رہنما رانا ثنااللہ دا پروگرام دوران آکھنا سی کہ ایس ویلے تحریک انصاف کول 156ووٹ نیں جدکہ مسلم لیگ (ن) دے 85ووٹ، پیپلز پارٹی دے 54تے ایم ایم اے دے 16ووٹ نیں جوکہ 155کل بندے نیں جدکہ حکومت کول 156ووٹ نیں۔
جدوں کہ تحریک انصاف دے کُجھ اتحادی وی اوہناں توں ناراض نیں، ایس لئی میں ایہ آکھاں گا کہ اپوزیشن لیڈر شپ ولوں آپس وچ بِہ کے ایہناں شیواں نوں جوڑن دی کثر اے بس فیر اوہناں دی حکومت اک مہینہ کیہ اک ہفتہ وی نہیں رہ سکدی۔اوہناں دا آکھنا سی کہ جے اپوزیشن اک ہوجاندی اے تے اوہناں دی حکومت اک ہفتہ وی نہیں کڈھ سکدی۔
