حکومت اپوزیشن لیڈر نوں چیئرمین پی اے سی بنان لئی راضی ہو گئی

حکومت تے اپوزیشن جماعتاں وچکار چیئرمین پی اے سی لئی صلاح ہو گئی، لیگی دور دے آڈٹ پیراز لئی ذیلی کمیٹی بنائی جائے گی:اپوزیشن تے وفاقی حکومت وچکار اتفاق

حکومت اپوزیشن لیڈر نوں چیئرمین پی اے سی بنان لئی راضی ہو گئی
 حکومت تے اپوزیشن جماعتاں وچکار چیئرمین پی اے سی لئی صلاح ہو گئی، لیگی دور دے آڈٹ پیراز لئی ذیلی کمیٹی بنائی جائے گی:اپوزیشن تے وفاقی حکومت وچکار اتفاق

اسلام آباد(پاکستان پوائنٹ نیوز13۔دسمبر۔2018ء) حکومت نے قائد حزب اختلاف میاں شہباز شریف نوں چیئرمین پبلک اکاؤنٹس کمیٹی بنان اُتے رضا مندی ظاہر کر دتی اے، حکومت تے اپوزیشن جماعتاں وچکار چیئرمین پی اے سی لئی صلاح ہو گئی، لیگی دور دے آڈٹ پیراز لئی ذیلی کمیٹی بنائی جائے گی۔میڈیا رپورٹس دے مطابق وفاقی حکومت تے اپوزیشن جماعتاں وچکار قومی اسمبلی اندر چیئرمین پبلک اکاؤنٹس کمیٹی لئی صلاح ہوگئی اے۔

صلاح مگروں دوناں وچکار ایہو گل طے ہوئی اے کہ چیئرمین پبلک اکاؤنٹس کمیٹی اپوزیشن لیڈر شہباز شریف نوں ای بنایا جائے گا۔ حکومت تے اپوزیشن جماعتاں وچکار شہباز شریف نوں چیئرمین پبلک اکاؤنٹس کمیٹی بنان دا اتفاق ایس گل اُتے ہویا کہ سابق وزیر اعظم نواز شریف تے پنجاب وچ سابق وزیر اعلا پنجاب شہباز شریف دے دور دے منصوبیاں دے آڈٹ پیراز لئی ذیلی کمیٹی بنائی جائے گی۔ ذیلی کمیٹی دی سربراہی حکومتی جماعت پی ٹی آئی کول ہوئے گی۔