اسلام آباد(پاکستان پوائنٹ نیوز13۔دسمبر۔2018ء) پاکستان مسلم لیگ (ن) دی ترجمان مریم اورنگزیب دا آکھنا اے کہ کل اک وزیر نے آکھیا کہ ست لوکاں نے این آر او منگیا، کیہ مراد سعد نے این آر او دی ریڑھی لائی اے؟تفصیل دے مطابق احتساب عدالت دے احاطے وچ میڈیا نال گل بات کردے ہوئے مریم اورنگزیب دا آکھنا سی کہ نیب آپ آکھدا اے کہ شہباز شریف اُتے اک رُپئے دی کرپشن ثابت نہیں ہوئی۔
اوہناں نے سوال کیتا کہ کیہ حمزہ شہباز دے باہر نہ جان نال مہنگائی گھٹ ہو جائے گی؟مریم اورنگزیب دا آکھنا سی کہ کراچی وچ تن دن توں گیس نہیں اے۔ حکومت نے دھوکھے نال لوکائی دا مینڈیٹ چوری کیتا۔ اوہناں نے آکھیا کہ چیف جسٹس توں منگ اے کہ کیہ کوئی قانون پاکستان وچ ہے؟جس قانون نال سیاستداناں دی عزت محفوظ ہوئے، میری عزت دا تحفظ کون کرے گا۔ اوہناں نے سپریم کورٹ توں درخاست کیتی کہ نیب ولوں لائے گئے الزاماں اُتے ایکشن لیا جائے۔ایس توں وکھ ایس موقعے اُتے مریم اورنگزیب نے نیب دے کالے قانون نوں ختم کرن دی منگ وی کیتی۔
