لاہور(پاکستان پوائنٹ نیوز13۔دسمبر۔2018ء) چیئرمین بحریہ ٹاؤن دا عدالتی کمرے وچ (ن) لیگ دے رہنما خواجا سعدرفیق نال آہمنا ساہمنا ہویا۔ ملک ریاض نے سوال کیتا کہ خواجا صاحب خیر نال آئے او؟جیہدے اُتے خواجا سعد رفیق نے جواب دتا کہ مینوں تے نیب والے گرفتار کر کے لیائے نیں۔ میڈیا رپورٹس دے مطابق قومی احتساب بیورو (نیب) دے ریمانڈ اُتے موجود سابق وفاقی وزیر ریلوے خواجا سعد رفیق نوں ریلوے کسارا (خسارہ)کیس دی سنوائی لئی عدالت لیاندا گیا تے ایس موقعے اُتے چیئرمین بحریہ ٹاؤن دا عدالتی کمرے وچ (ن) لیگ دے رہنما خواجا سعدرفیق نال آہمنا ساہمنا ہویا۔
ملک ریاض نے سوال کیتا کہ خواجا صاحب خیر نال آئے او؟جیہدے اُتے خواجا سعد رفیق نے جواب دتا کہ مینوں تے نیب والے گرفتار کر کے لیائے نیں۔یاد رہوے کہ سپریم کورٹ نے سعد رفیق نوں ریلوے کسارا کیس وچ ذاتی حیثیت وچ سدیا سی۔ سنوائی دے موقعے اُتے سکیورٹی اداریاں ولوں سابق رکن پنجاب اسمبلی قیصر امین بٹ نوں وی سپریم کورٹ وچ پیش کیتا گیا۔
