اسلام آباد(پاکستان پوائنٹ نیوز12۔دسمبر۔2018ء) سوئی گیس دے بحران اُتے وزیر اعظم عمران خان نے سوئی سدرن تے سوئی نادرن دے ایم ڈیز خلاف انکوائری دا حکم دے دتا اے۔ تفصیل دے مطابق ملک دے کئی علاقیاں وچ سردیاں دی پہلی بارش مگروں سردی دی شدت وچ وادھا ہو گیا اے۔ سردی دی شدت وچ وادھا ہوندے ای گیس دی منگ وچ وی وادھا ہو گیا اے۔ جیہدے مگروں فیصلا کیتا گیا اے کہ ملک وچ بھر دیاں صنعتاں نوں گیس دی سپلائی روک دتی جائے تاں جے گھریلو ورتیندڑاں (صارفین) دی لوڑ پوری کیتی جا سکے۔
پر ایہدے اُتے کراچی دی صنعتی کمیونٹی احتجاج کر رہی اے۔ ایس ساری بحرانی صورتحال اُتے وزیر اعظم عمران خان وی میدان وچ آ گئے نیں۔وزیر اعظم نے سوئی سدرن تے سوئی نادرن دے ایم ڈیز خلاف انکوائری دا حکم دے دتااے۔وزیر اعظم عمران خان ولوں سوئی سدرن تے سوئی نادرن دے ایم ڈیز خلاف تحقیقاتی کارروائی 72گھنٹیاں وچ پوری کرن دی ہدایت کیتی گئی اے۔وزیر اعظم عمران خان نے حکم دتا کہ وزیر پٹرولیم تحقیقات کر کے رپورٹ پیش کرن۔
