لاہور(پاکستان پوائنٹ نیوز11۔دسمبر۔2018ء) لاہور ڈویلپمنٹ اتھارٹی نے قبضہ گروپاں دے خلاف کارروائی کردے ہوئے چودھری ظہیر ناگرہ کولوں اک ارب رُپئے مالیت دی زمین چھڈوا لئی۔ زمین دا رقبہ 30کنال اے۔ تفصیل دے مطابق پنجاب حکومت نے دو اکتوبر توں پنجاب بھر وچ تجاوزات دے خلاف آپریشن شروع کیتا ہویا اے۔ ایس آپریشن دے نتیجے وچ ہن تیکر ہزاراں کنال قیمتی زمین چھڈوائی گئی اے۔
ایس حوالے نال تازہ اطلاع ایہ اے کہ لاہور ڈویلپمنٹ اتھارٹی نے قبضہ گروپ خلاف کارروائی کردے ہوئے اوہناں کولوں کئی کنال زمین چھڈوا لئی اے۔ ایہ کارروائی لاہور ڈویلپمنٹ ولوں سبزہ زار سکیم دے سی بلاک وچ کیتی گئی اے۔ ایل ڈی اے وسیلیاں دا آکھنا سی کہ لاہور ڈویلپمنٹ اتھارٹی دے عملے نے ڈائریکٹر جنرل ایل ڈی اے آمنہ عمران دی نگرانی و چ جھگیاں ناگرہ دے علاقے وچ آپریشن کر کے سبزہ زار سکیم دی اک ارب رُپئے مالیت دی 30کنال زمین بااثر بندیاں کولوں چھڈوا لئی اے۔
