اسلام آباد(پاکستان پوائنٹ نیوز11۔دسمبر۔2018ء) وفاقی وزیر اطلاعات فواد چودھری نے اوورسیز پاکستانیاں نوں چنگی خبر سُنا دتی۔ مائیکرو بلاگنگ ویب سائٹ ٹویٹر اُتے اپنے پیغام وچ وفاقی وزیر اطلاعات فواد چودھری نے آکھیا کہ اوورسیز پاکستانی موبائل فون لیا سکدے نیں پر وادھو فون اُتے ٹیکس لگے گا۔ اوہناں دا آکھنا سی کہ دو ارب ڈالر دے فون درآمد ہو رہے نیں۔ موبائل درآمد اُتے ٹیکس نہیں لاواں گے تے کِیویں چلاں گے۔ فواد چودھری دا آکھنا سی کہ 60ڈالر توں گھٹ قیمت دے موبائل فون اُتے ٹیکس نہ ہون دے برابر اے۔ مہنگے موبائل فون اُتے 38فیصد ٹیکس اے۔ سانوں ٹیکس کلچر اپنانا پئے گا۔
یاد رہوے کہ حکومت نے اوورسیز پاکستانیاں دے اک توں ودھ موبائل فون لیان دی صورت وچ ڈیوٹی لان دا فیصلا کیتا سی۔ فیصلے دے مطابق اوورسیز پاکستانی اپنے نال صرف اک موبائل لیا سکدے نیں، جیہدے اُتے اوہناں نوں کسے قسم دی ڈیوٹی نہیں دینی پئے گی۔
