خواجا سعد تے سلمان رفیق نوں گرفتار کرلیا گیا

لاہور(پاکستان پوائنٹ نیوز11۔دسمبر۔2018ء) نیب نے اج پاکستان مسلم (ن) لیگ دے رہنما خواجا سعد رفیق تے خواجا سلمان رفیق نوں گرفتار کرلیا اے۔ عدالت نے دوناں بھراواں دی قبل از وقت ضمانت دی درخاست رد کر دتی سی۔ میڈیا رپورٹس دے مطابق سابق وفاقی وزیر نوں پیرا گون ہاؤسنگ کیس وچ گرفتار کیتا گیا اے جدکہ اوہناں دے بھرا سلمان رفیق نوں وی گرفتار کرلیا گیا اے۔ دوناں بھراواں نوں لاہور ہائی کورٹ وچ پیشی دے مگروں گرفتار کیتا گیا۔