لاہور(پاکستان پوائنٹ نیوز10۔دسمبر۔2018ء) انسداد دہشت گردی عدالت نے منشاء بم دے پُتراں نوں اشتہاری قرار دے دتا، عدالت نے پولیس کولوں ایل ڈی اے ٹیم اُتے حملا کیس دی پوری فائل منگ لئی۔ میڈیا رپورٹس دے مطابق انسداد دہشت گردی عدالت وچ ایل ڈی اے دی ٹیم اُتے حملا کیس دی سنوائی ہوئی۔ سنوائی دوران انسداد دہشت گردی دے جج عبدالقیوم خان نے قبضہ مافیا دے سرغنہ منشاء بم دے پُتراں نوں اشتہاری قرار دے دتا۔
عدالت نے پولیس کولوں کیس دی پوری فائل وی منگ لئی اے۔ منشاء بم دے پُتراں ولوں وکیل فرہاد علی شاہ عدالت وچ پیش ہوئے۔ دوجے پاسے سپریم کورٹ آف پاکستان نے منشاء بم قبضہ کیس وچ درخاستاں نبیڑے ہوئے مدعی نوں سول عدالت کولوں اپنی زمین دا قبضہ لین دی ہدایت کر دتی جدکہ سول عدالت نوں چار مہینے وچ مقدمیاں دا فیصلا کرن دا حکم وی دتاگیا ۔
