نارووال(پاکستان پوائنٹ نیوز10۔دسمبر۔2018ء) سابق وزیر داخلا احسن اقبال نے جنوبی پنجاب صوبے لئی آئینی ترمیم وچ حکومت نوں مدد دی آفر کر دتی۔ میڈیا رپورٹس دے مطابق اپوزیشن جماعت پاکستان مسلم لیگ (ن) دے مرکزی رہنما احسن اقبال نے جنوبی پنجاب صوبہ بنان لئی آئینی ترمیم وچ وفاقی حکومت نوں مدد دی آفر کر دتی۔ اوہناں نے میڈیا نال گل بات کردے ہوئے آکھیا کہ حکومت چھیتی انتخابات دا رسک نہیں لوے گی۔
چھیتی الیکشن ہویا تے لوکائی اوہناں دے نمائندیاں دیاں ضمانتاں ضبط کروا دیوے گے۔ اوہناں نے آکھیا کہ پنج سال دی محنت اُتے پانی پھیر دتا گیا۔ رُپئے دی قدر وچ کمی دی مثال نہیں لبھدی۔ رُپیہ تے فٹ بال وانگ کلابازیاں کھا رہیا اے۔ اوہناں نے ہور آکھیا کہ ایس ویلے جو ملکی احتساب دا عمل اے ایہ مسلم لیگ (ن) دے خلاف ٹارگٹ اے۔
