اسلام آباد(پاکستان پوائنٹ نیوز10۔دسمبر۔2018ء) پبلک اکاؤنٹ کمیٹی دی چیئرمین شپ لئی حکومت مگروں اپوزیشن نے وی ڈھل وکھادتی اے۔ اپوزیشن نے ہن شہباز شریف دی بجائے ہور ناواں بارے غور شروع کر دتا۔ میڈیا رپورٹس دے مطابق حزب اختلاف دی سبھ توں وڈی جماعت (ن) لیگ شہباز شریف نوں چیئرمین اے پی سی بنان دے معاملے توں پچھانہ ہٹ گئی۔ ایس حوالے نال پارٹی دے ہور رہنماواں دے ناواں بارے غور کیتا جا رہیا اے۔
چیئرمین اے پی سی لئی سابق سپیکر قومی اسمبلی ایاز صادق، خواجا آصف تے سابق وزیر اعظم شاہد خاقان عباسی دے ناں فیورٹ نیں۔ آس کیتی جا رہی اے کہ قومی اسمبلی دے اج ہون والے اجلاس وچ اپوزیشن ولوں قائمہ کمیٹیاں بنان دی تحریک پیش کیتی جائے گی۔یاد رہوے کہ حکومت ولوں اپوزیشن لیڈر قومی اسمبلی شہباز شریف دا ناں بطور چیئرمین پبلک اکاؤنٹس کمیٹی رد کرن اُتے اپوزیشن نے دو ناں پارلیمانی کمیٹی نوں دتے سن۔
