لاہور(پاکستان پوائنٹ نیوز10۔دسمبر۔2018ء) پنجاب بھر دے سرکاری سکولاں وچ ہیلتھ پروگرام دا افتتاح کر دتا گیا۔ میڈیا رپورٹس دے مطابق پنجاب بھر دے سرکاری سکولاں وچ ہیلتھ پروگرام دا افتتاح کر دتا گیا۔ہیلتھ پروگرام دا افتتاح وزیر صحت پنجاب ڈاکٹر یاسمین راشد و وزیر سکولز ایجوکیشن پنجاب مراد راس نے کیتا۔ وزیر تعلیم مراد راس نے دسیا کہ پنجاب دے 47ہزار سکولاں دے 90لکھ بالاں نوں ڈاکٹری تے مڈھلے علاج دی سہولت دتی جائے گی۔
ایس موقعے اُتے خطاب کردے ہوئے ڈاکٹر یاسمین راشد نے دسیا کہ محکمہ صحت تے محکمہ تعلیم رلکے پڑھیاراں لئی بہتر صحت دے اقدامات کرن گے۔ پائلٹ پروگرام دا گھیرا پورے صوبے دے سرکاری سکولاں تیکر کھلاریا جائے گا۔ اوہناں نے آکھیا کہ ہیلتھ پروگرام دے تحت پنجاب دے 9ضلعیاں دے 20سکولاں وچ 10ہزار پڑھیاراں دی میڈیکل سکریننگ وی ہوئے گی۔ جدکہ پڑھیاراں نوں ای این ٹی ٹیسٹ دی مفت سہولت دتی جائے گی۔ ڈاکٹر یاسمین راشد نے آکھیا کہ سکولی بالاں نوں غذا دی اہمیت بارے آگاہ کیتا جائے گا۔ پڑھیاراں دے دنداں دا وی معائنہ ہوئے گا۔
