اسلام آباد(پاکستان پوائنٹ نیوز10۔دسمبر۔2018ء) وفاقی راجدھانی اسلام آباد، کراچی، پنجاب تے کے پی کے دے کئی علاقیاں وچ بارش مگروں سردی وچ وادھا ہو گیا اے۔ محکمہ موسمیات نے آؤندے 24گھنٹیاں دوران ہور بارش دی پیشنگوئی کیتی اے۔ محکمہ موسمیات دے مطابق کراچی دا گھٹو گھٹ درجہ حرارت 18.5ڈگری سینٹی گریڈ ریکارڈ کیتا گیا۔ شمال مشرق تے جنوبی مغرب ولوں ہواواں چلن دا امکان اے۔
پچھلی رات کراچی دے علاقے لانڈھی وچ سبھ توں ودھ بارش 7ملی میٹر ریکارڈ کیتی گئی جدکہ صدر وچ 1.5،فیصل بیس 2تے مسرور وچ اک ملی میٹر بارش ریکارڈ کیتی گئی۔ دوجے پاسے سیاحتی تھاں مری تے آل دوال دے علاقیاں وچ ہلکی برفباری ہوئی جدکہ چترال تے اوہدے آل دوال دے علاقیاں وچ بارش تے پہاڑاں اُتے برفباری، صوبائی وچ بارش تے نوشہرہ وچ پچھلی رات بارش مگروں سردی وچ وادھا ہوگیااے۔
