پنڈی بھٹیاں(پاکستان پوائنٹ نیوز10۔دسمبر۔2018ء) سوشل میڈیا نے اک ہور جوڑی بنا دتی۔ تفصیل دے مطابق سمارٹ فونز دی ورتوں عام ہون مگروں سمارٹ فونز ورتن والیاں ولوں سوشل میڈیا دا استعمال وی بہت ودھ گیا اے۔ سوشل میڈیا اُتے دنیا بھر دے لوک اک دوجے نال صرف اک بٹن دبھ کے ای رابطہ کر لیندے نیں۔ سوشل میڈیا دی وجہ توں جتھے دنیا وچ ہزاراں میل دور بیٹھے لوک دوست بنے اوتھے کُجھ لوکاں نوں ای سوشل میڈیا راہیں اپنی محبت وی مل گئی۔
کُجھ دن پہلاں ای اک امریکی سوانی پاکستانی مُنڈے دی محبت وچ گرفتار ہو کے سیالکوٹ ،اک امریکی کُڑی لاہورتے اک امریکی سوانی پاکستانی مُنڈے دے عشق وچ گرفتار ہو کے منڈی بہاؤالدین تے اک میکسیکن سوانی ساہیوال اپڑ ی۔ پر تازہ اطلاع دے مطابق اک ہور 40ورھیاں دی سوانی، جیہدا تعلق جرمنی توں دسیا جا ررہیا اے ، اوہ پنڈی بھٹیاں دے رہائشی اعجاز دی محبت وچ پاکستان آ گئی اے۔
