جرمن سفیر دی پاکستان نال بے لوث محبت امریکا نوں چنگی نہ لگی

جرمن سفیر دی پاکستان نال بے لوث محبت امریکا نوں چنگی نہ لگی

اسلام آباد(پاکستان پوائنٹ نیوز07۔دسمبر۔2018ء) امریکی ویب سائٹ نے جرمن سفیر دیاں پاکستان وچ سرگرمیاں اُتے سوالیہ نشان لا دتا۔ میڈیا رپورٹس وچ دسیا گیا اے کہ امریکی ویب سائٹ نے پاکستان وچ جرمن سفیر مارٹن کوبلر دیاں سرگرمیاں اُتے سوالیہ نشان چُکیا اے۔ امریکی ویب سائٹ نے سوال کیتا کہ کیہ جرمن سفیر اپنے گھیرے توں اگانہ ودھ رہے نیں؟ یاد رہوے کہ مارٹن کوبلر سوشل میڈیا اُتے پاکستان وچ موجود کئی سماجی مسئلیاں دی نشان کاری(نشاندہی)کردے نیں تے دو دن پہلاں ای اوہناں نے اک ٹویٹ راہیں کے پی کے حکومت دی شفافیت اُتے سوالیا نشان چُکیا۔

جرمن سفیر نے حکومت تے مقامی بندیاں ولوں بنائی گئی اِکو جیہی لمبی سڑک وچ لاگت دے فرق اُتے سوال چُکیا سی۔ پاکستان وچ جرمن سفیر مارٹن کوبلر اوہناں کُجھ غیر ملکی سفیراں وچوں اک نیں جو پاکستانی لوکائی وچ مقبول نیں۔ایہدی سبھ توں وڈی وجہ اوہناں دی پاکستان نال محبت تے پاکستانیاں نال لگاؤ اے۔ اوہناں دی محبت دا اندازہ ایتھوں وی لایا جاسکدا اے کہ اوہناں نے پاکستان وچ تعیناتی مگروں اُردو وی سکھی تے اوہ کئی وار اُردو وچ ای ٹویٹ کردے نیں۔