وزیر اعلا پنجاب عثمان بزدار دیاں جلد بازیاں،لاہوریاں دی حفاظت داء اُتے لگ گئی

لاہور(پاکستان پوائنٹ نیوز07۔دسمبر۔2018ء) وزیر اعلا پنجاب عثمان بزدار نے ڈیرہ غازی خان نوں لاہور ورگا بنان لئی لاہوریاں دی حفاظت دی قربانی دے دتی۔تفصیل دے مطابق عثمان بزدار نے اپنے علاقے وچ صحت، تعلیم تے پانی ورگیاں سہولتاں دین توں پہلاں ڈولفن فورس اوتھے اپڑا دتی۔ اطلاع دے مطابق پہلا لاہوروں 30موٹر سائیکل سواراں دا دستہ ڈیرہ غازی خان اپڑ گیا اے۔ ڈولفن فورس وچ کُجھ دن پہلاں ای شامل ہون والے 70ماسٹر ٹرینرز ، افسراں تے اہلکاراں نوں گھلیا جائے گا تے ایس حوالے نال حکم نامہ وی جاری کردتا گیا اے۔