ہن میں چاہنا واں نیب جس طرحاں دا اے اوسے طرحاں دا ای رہوے:نواز شریف

اسیں تے نیب نوں بھگت لیا ہن دوجے وی بگھتن، شہباز شریف نوں کیہڑے جرم وچ جیل وچ رکھیا ہویا اے:احتساب عدالت وچ پیشی مگروں میڈیا نال گل بات

ہن میں چاہنا واں نیب جس طرحاں دا اے اوسے طرحاں دا ای رہوے:نواز شریف
اسیں تے نیب نوں بھگت لیا ہن دوجے وی بگھتن، شہباز شریف نوں کیہڑے جرم وچ جیل وچ رکھیا ہویا اے:احتساب عدالت وچ پیشی مگروں میڈیا نال گل بات

لاہور(پاکستان پوائنٹ نیوز07۔دسمبر۔2018ء) پاکستان مسلم لیگ (ن) دے قائد و سابق وزیر اعظم نواز شریف نے آکھیا اے کہ ہن میں چاہنا واں نیب جس طرحاں دا اے اوسے طرحاں دا ای رہوے،اسیں تے نیب نوں بھگت لیا ہن دوجے وی بگھتن، شہباز شریف نوں کیہڑے جرم وچ جیل وچ رکھیا ہویا اے؟۔اوہناں نے اج احتساب عدالت وچ پیشی مگروں میڈیا نال گل غیر رسمی گل بات کردے ہوئے آکھیا کہ دنیا مندی اے کہ 2013توں 2017تیکر پاکستانی معیشت مستحکم سی۔

ڈالر نوں مصنوعی انداز وچ متوازن رکھن دا کیہ مطلب اے؟اسیں جے ڈالر نوں مصنوعی انداز وچ متوازن رکھیا تے ایہ وی مصنوعی رکھ لین۔ ساڈے دور وچ ڈالر دی قدر وچ توازن رہیا۔ مینوں جدوں گھر گھلیا گیا ملک وچوں دہشت گردی ختم ہو چکی سی۔ اوہناں نے اک سوال دے جواب وچ آکھیا کہ اسیں سیاست وچ آئے تے پریشانیاں وچ وادھا ہویا جدکہ سیاست وچ آن توں پہلے خشحال ساں۔

ساڈے کول 1937توں آمدنی دے وسیلیاں دا ریکارڈ موجود اے۔ عمران خان کولوں وی ہیلی کاپٹر سنے ہور آمدن دے وسیلیاں دا نیب حساب لوے۔ اوہناں نے اک ہور سوال دے جواب وچ آکھیا کہ اسیں تے نیب نوں بھگت لیا ہن دوجے وی بگھتن۔اوہناں دا آکھنا سی کہ شہباز شریف نوں کوئی پُچھے احتساب کس طرحاں ہو رہیا اے؟کیہ صاف پانی یاں آشیانہ وچ کرپشن ثابت ہوئی؟ شہباز شریف نوں کیہڑے جرم وچ جیل وچ رکھیا ہویا اے۔

دوجے پاسے احتساب عدالت نے سابق وزیر اعظم محمد نواز شریف خلاف دائر العزیزیہ تے فلیگ شپ ریفرنسز دی مدت سنوائی وچ توسیع لئی 8وار سپریم کورٹ نال رابطہ کرلیا اے۔ جمعے نوں سنوائی دے شروع اُتے احتساب عدالت دے جج محمد ارشد ملک نے دسیا کہ مدت سنوائی وچ توسیع لئی 8ویں وار سپریم کورٹ نال رابطہ کرلیا اے تے سپریم کورٹ نوں خط لکھیا اے۔