ٹریفک وارڈن دے ڈر توں کھوتا ریڑھی چلان والے دا دلچسپ کم،ویڈیو وائرل

ٹریفک وارڈن دے ڈر توں کھوتا ریڑھی چلان والے دا دلچسپ کم،ویڈیو وائرل

لاہور(پاکستان پوائنٹ نیوز07۔دسمبر۔2018ء) ٹریفک وارڈن دے ڈر توں کھوتا ریڑھی چلان والے دا دلچسپ کم،ویڈیو وائرل۔ تفصیل دے مطابق سٹی ٹریفک پولیس ولوں لاہور وچ بغیر ہیلمٹ دے موٹر سائیکل چالان والیاں خلاف کارروائیاں دا سلسلا جاری اے۔ پر ہن ہیلمٹ نہ پان اُتے چالان ہون دا ڈر موٹر سائیکل سواراں دے نال نال کھوتا ریڑھی چلان والیاں نوں وی ہون لگا اے۔ ایس حوالے نال سوشل میڈیا اُتے اک ویڈیو وائرل ہو رہی اے ۔ ویڈیو وچ ویکھیا جا سکدا اے کہ کھوتا ریڑھی چلان والے بندے نے وی ہیلمٹ پایا ہویا اے ۔جدوں کھوتا ریڑھی چلان والے کولوں پُچھیا گیا کہ ہیلمٹ دی پابندی تے صرف موٹر سائیکل سواراں لئی اے تے فیر تُسیں کیوں ہیلمٹ پایا اے۔ جواب وچ اوہدا آکھنا سی کہ اج کل ہیلمٹ دا قانون بہت سخت ہو گیا اے۔سانوں وی ڈر لگدا اے کہ کیتے ہیلمٹ نہ پان اُتے سانوں وی اندر نہ کر دتا جائے ، ایس لئی احتیاط کردے ہوئے میں وی ہیلمٹ پا لیا اے۔