لاہور(پاکستان پوائنٹ نیوز07۔دسمبر۔2018ء) غیر ملکی ماڈل ٹریسا پاکستانی جیل وچ دو کتاباں دی لکھارن بن گئی۔ میڈیا رپورٹس وچ دسیا گیا اے کہ غیر ملکی ماڈل ٹریسا دا آکھنا اے کہ رہائی پان مگروں چھیتی ای اوہناں کتاباں نوں چھپوا لین گیاں۔ اوہناں نے میڈیا نال گل بات کردے ہوئے آکھیا کہ پاکستانی کلچر تے قیدی دی زندگی اُتے دو کتاباں لکھیاں نیں۔ ملزمہ نے خاہش دا اظہار کیتا کہ چھیتی جیل توں رہائی مگروں دو ناں کتاباں نوں چھپواواں گی۔
جیل وچ ساتھی سوانیاں وی بہت چنگیاں نیں۔ پاکستانی قومی زبان دے نال نال سلائی دا کم وی سِکھ رہی آں۔ دوجے پاسے غیر ملکی ماڈل نے اپنے ملکی سفارت خانے دی سوانی نال ملاقات کیتی تے اپنے کیس بارے بریفنگ دتی۔ ایڈیشنل سیشن جج علی رضا دے ٹریننگ اُتے ہون دی وجہ توں ملزمہ خلاف کیس دی سنوائی 10دسمبر تیکر ملتوی کر دتی گئی۔
