وزیر اعظم نہ صدر ، ٹوبہ ٹیک سنگھ وچ گورنر پنجاب دی بیوی دے پروٹوکول نے سبھ نوں حیران کر دتا

وزیر اعظم نہ صدر ، ٹوبہ ٹیک سنگھ وچ گورنر پنجاب دی بیوی دے پروٹوکول نے سبھ نوں حیران کر دتا

ٹوبہ ٹیک سنگھ(پاکستان پوائنٹ نیوز07۔دسمبر۔2018ء) پاکستان تحریک انصاف نے اقتدار وچ آن مگروں پروٹوکول وچ کمی کرن تے لوکائی دے ٹیکس دے پیسیاں دی حفاظت کرن دا اعلان کیتا سی پر کئی حکومتی نمائندیاں نے وزیر اعظم عمران خان دی کفایت شعاری دی پالیسی دیاں دھجیاں اُڈا دتیاں۔ پر ہن گورنر پنجاب چودھری سرور دی بیوی نے ٹوبہ ٹیک سنگھ دا دورہ کیتا تے ایس موقعے اُتے ٹوبہ ٹیک سنگھ وچ اوہناں دا پروٹوکول ویکھن دے لائق سی۔ گورنر پنجاب چودھری سرور دی بیوی پروین سرور ٹوبہ ٹیک سنگھ اپڑیاں تے اوہناں دی سکیورٹی اُتے وڈی گنتی وچ پولیس اہلکاراں نوں تعینات کیتا گیا۔ ٹوبہ ٹیک سنگھ دے دورے دوران گورنر پنجاب دی گھر والی لئی خصوصی طور اُتے روٹ لایا گیا جدوں کہ اوہناں دے پروٹوکول وچ 5توں ودھ گڈیاں شامل سن۔ ویڈیو تُسیں وی ویکھو: