دہشت گرداں دا پنجاب رینجرز اُتے حملا

ڈی جی خان(پاکستان پوائنٹ نیوز06۔دسمبر۔2018ء) ڈیرہ غازی خان وچ دہشت گرداں ولوں پنجاب رینجرز اُتے حملا کیتا گیا اے۔ تفصیل دے مطابق پنجاب دے شہر ڈیرہ غازی خان وچ پنجاب رینجرز اُتے دہشت گرداں ولوں حملا کیتا گیا اے۔ ایس حوالے نال پاک فوج دے شعبہ تعلقات عامہ آئی ایس پی آر دے سربراہ میجر جنرل آصف غفور ولوں دسیا گیا اے کہ ڈیرہ غازی خان وچ دہشت گرداں ولوں پنجاب رینجرز دے قافلے اُتے حملا کیتا گیا۔ ایس دوران پنجاب رینجرز دے کرنل ایوب تے سپاہی ریحان ڈاڈھے زخمی ہوئے۔ حملے مگروں پنجاب رینجرز ولوں وی بھرپور جوابی کارروائی کیتی گئی ۔ کارروائی دے نتیجے وچ اک دہشت گرد ہلاک جدکہ باقی دہشت گرد فرار ہون وچ کامیاب ہوگئے۔