لاہور(پاکستان پوائنٹ نیوز06۔دسمبر۔2018ء) جہانگیر ترین نے آکھیا اے کہ میرا تحریک انصاف وچ ہن کوئی عمل دخل نہیں رہیا۔ تفصیل دے مطابق جہانگیر ترین اپنی نااہلی مگروں سیاست وچ بہت اثر رکھدے نیں۔تحریک انصاف دی وفاق تے پنجاب وچ حکومت بنان تیکر جہانگیر ترین دا وڈا ہتھ رہیا خاص کر آزاد امیدوارں نوں تحریک انصاف دا حصہ بنا کے تحریک انصاف دی پوزیشن نوں بہتر بنان وچ جہانگیر ترین دا اہم کردار نظر آؤندا اے۔
ایہو وجہ اے کہ پارٹی دے کئی ارکان وی جہانگیر ترین توں ناراض وکھالی دیندے نیں۔ پاکستان تحریک انصاف نے جہانگیر ترین دے کردار نوں سلاہندے ہوئے اوہناں دی بھین نوں سینیٹ دا ٹکٹ جاری کیتا ۔ پر بہت سارے حلقیاں ولوں جہانگیر ترین دے کردار نوں لے کے ڈاڈھی بے چینی پائی جاندی اے۔ کُجھ دن پہلاں عمران خان دے سیاسی اُستاد سمجھے جان والے مشہور تجزیہ کار ہارون رشید نے جہانگیر ترین اُتے کئی الزام لائے۔
اوہناں دا آکھنا سی کہ جہانگیر ترین وڈا حریص بندہ اے اقتدار دے معاملے وچ اوہ وزیر اعظم بننا چاہندا سی۔ عمران خان دے ہوندے ہوئے تے نہیں بن سکدا سی پر اوہ اوہدا جانشین ضرور بننا چاہوے گا۔ اوہناں دا ہور آکھنا سی کہ ایہ گل وی بالکل ٹھیک اے کہ اوہ اسد عمر دے خلاف اے۔ اوہناں دا آکھنا سی کہ ہن جہانگیر ترین نے اپنے سیاسی کردار دے حوالے نال اہم بیان جاری کر دتا اے۔ جہانگیر ترین نے سینئر اینکر ندیم ملک نوں انٹرویو دیندے ہوئے اپنے سیاسی کردار باے گل کیتی۔ جہانگیر ترین دا آکھنا سی کہ تحریک انصاف وچ ہن میرا کوئی سیاسی کردار نہیں رہیا۔
