اسلام آباد(پاکستان پوائنٹ نیوز06۔دسمبر۔2018ء) وزیر اعظم نے اسد عمر دے مستقبل بارے فیصلا کرلیا،عمران خان دا وفاقی وزیر خزانہ تے اوہناں دی معاشی ٹیم نوں برقرار رکھن دا فیصلا۔ تفصیل دے مطابق وزیراعظم دے ترجمان و مشیر خاص نعیم الحق ولوں وزیر خزانہ اسد عمر دی تبدیلی دیاں خبراں بارے وضاحتی بیان جاری کیتا گیا اے۔ نعیم الحق ولوں دسیا گیا اے کہ وزیر اعظم نے اسد عمر دے مستقبل بارے حتمی فیصلا کرلیا اے۔
نعیم الحق دا آکھنا اے کہ وزیر اعظم نے وفاقی وزیر خزانہ اسد عمر تے اوہناں دی معاشی ٹیم نوں برقرار رکھن دا فیصلا کیتا اے۔ وزیر اعظم عمران خان نے اسد عمر تے اوہناں دی معاشی ٹیم اُتے بھرپور اعتماد دا اظہار کیتا اے۔یاد رہوے کہ ایس توں پہلاں جمعرات نوں وفاقی کابینہ دے اجلاس نال خطاب کردے ہوئے وزیر اعظم عمران خان نے ملک دی موجودہ معاشی صورتحال بارے گل بات کردے ہوئے آکھیا کہ مشکل حالات وچ معاشی ٹیم نے پرفارم کیتا جیہدا اوہناں نوں سپیشل کریڈٹ دینا چاہنا واں۔ وزیر اعظم دا آکھنا سی کہ وزارت تجارت، خزانہ تے منصوبہ بندی نے بُرے حالات وچ اپنا اہم کردار ادا کیتا اے۔
