اسلام آباد(پاکستان پوائنٹ نیوز06۔دسمبر۔2018ء) پاکستان دے زرمبادلا ذخائر وچ 56کروڑ ڈالر دی کمی ہوگئی۔ مرکزی بنک دے زرمبادلا دے ذخائر 56کروڑ ڈالر گھٹ ہو کے7.5ارب ڈالر ہو گئے نیں۔ تفصیل دے مطابق پچھلے کُجھ چِر توں پاکستان دے زرمبادلا وچ لگاتار کمی ہو رہی سی جیہدے مگروں ڈالر دی قیمت وچ وادھا ویکھن نوں ملیا۔ ایہو وجہ سی کہ پاکستان ولوں ادائیگیاں وچ وی توازن نہیں آ رہیا سی۔
پر ایس وجہ توں پاکستان نے آئی ایم ایف نال رابطہ کرن دا فیصلا پر دوست ملکاں ولوں مالی امدادی پیکج ملن مگروں پاکستان دے زرمبادلا دے ذخائر وچ وادھا ہویا ۔ پر زرمبادلا دے ذخائر بارے تازہ اطلاع ایہ اے کہ نومبر دے آخری ہفتے وچ ملکی زرمبادلا دے ذخائر 57کروڑ 65لکھ ڈالر گھٹ ہوئے۔ 30نومبر نوں ملکی زرمبادلا دے ذخائر13ارب99کروڑ ڈالر رہے۔ چالو صورتحال دے مطابق مرکزی بنک دے زرمبادلا دے ذخائر 56کروڑ ڈالر گھٹ ہوکے 7.5ارب ڈالر ہو گئے نیں۔ شیڈول بنکاں دے زرمبادلا ذخائر اک کروڑ 62لکھ ڈالر گھٹ ہوئے۔ شیڈول بنکاں دے ذخائر 6ارب 49کروڑ ڈالر ہو گئے۔
