شیخ رشید دا ”گناہ ٹیکس“ بارے دلچسپ تبصرہ

میں ’گناہ ٹیکس‘ توں بچ گیا واں کیونکہ ’گناہ ٹیکس‘ دا نفاذ سگار اُتے نہیں بلکہ بیڑی والیاں اُتے ہوندا اے:وفاقی وزیر ریلوے

شیخ رشید دا ”گناہ ٹیکس“ بارے دلچسپ تبصرہ
 میں ’گناہ ٹیکس‘ توں بچ گیا واں کیونکہ ’گناہ ٹیکس‘ دا نفاذ سگار اُتے نہیں بلکہ بیڑی والیاں اُتے ہوندا اے:وفاقی وزیر ریلوے

لاہور(پاکستان پوائنٹ نیوز06۔دسمبر۔2018ء) وزیر ریلوے شیخ نے وزیر خزانہ اسد عمر خلاف سازشاں دا الزام لا دتا۔ میڈیا رپورٹس وچ دسیا گیا اے کہ وفاقی وزیر ریلوے شیخ رشید نے میڈیا نال گل بات کردے ہوئے آکھیا کہ حکومت خلاف سازشاں کیتیاں جارہیاں نیں۔ اوہناں نے آکھیاکہ بیتے ویلے وچ عمران خان آکھدے رہے نیں کہ مسئلے دا حل عسکری نہیں بلکہ مذاکرات نیں۔

امریکا نے وی ایس گل نوں منیا اے کہ عمران خان دی سوچ ٹھیک سی۔ شیخ رشید نے ہور آکھیا کہ آؤندے پیر عمران خان سویر توں شام تیکر بیٹھن گے۔ ساریاں گلاں بحث ہیٹھ آن گیاں۔اوہناں دا آکھنا سی کہ کابینہ وچ تبدیلی دا فیصلا وزیراعظم عمران خان نے کرنا اے۔ ایس دوران شیخ رشید کولوں ’گناہ‘ ٹیکس بارے سوال کیتا گیا تے اوہناں نے آکھیا کہ میں ’گناہ ٹیکس‘ توں بچ گیا واں کیونکہ ’گناہ ٹیکس‘ دا نفاذ سگار اُتے نہیں بلکہ بیڑی والیاں اُتے ہوندا اے۔