کراچی(پاکستان پوائنٹ نیوز06۔دسمبر۔2018ء) نویں حکومت لئی ملکی معاشی بحران چیلنج بن گیا اے، ڈالر دی قدر تے شرح سود دا تعین گورنر سٹیٹ بنک دی ذمے واری ہوندی اے۔ میڈیا رپورٹس وچ دسیا گیا اے کہ ایس سارے معاملے وچ گورنر سٹیٹ بنک دا اہم کردار ہوندا اے۔ ڈالر دی قیمت وچ دو وار بہتا وادھا ہویا، جیہدی وجہ توں رُپئے دی بے قدری ہوئی تے حکومت لئی ایہ سارا معاملا پریشانی دا کارن بن گیا۔
حالات ایتھوں تیکر اپڑ گئے کہ اک وار ڈالر دی قیمت وچ اک اکٹھا 11رُپئے دا وادھا ہو گیا۔ پر رُپئے دی قدر وچ کمی دی وجہ توں اوپن مارکیٹ نہیں۔ وزیر خزانہ وی ایہ گل آکھ چُکے نیں کہ بیلنس آف پیمنٹ دا وی کوئی بحران نہیں۔ وسیلیاں دا آکھنا اے کہ جس دن ڈالر دی قیمت ودھی اوس دن مارکیٹ وچ اوہدی طلب بُہتی نہیں سی تے فیر ڈالر ودھ کیویں گیا۔ میڈیا رپورٹس وچ دسیا گیا اے کہ ہر روز گورنر سٹیٹ بنک ٹریژری ہیڈ ز نوں فون کر دے نیں تے ڈالر دی حد دا دسدے نیں پر اوس دن گورنر سٹیٹ بنک طارق باجوہ نے ٹریژری ہیڈز نوں فون کر کے آکھیا کہ اج کوئی حد نہیں جو مرضی کر لوو یعنی تہاڈی مرضی اے ڈالر دی جو قیمت ودھا لوو، تے اوہدے مگروں کُجھ گھنٹیاں وچ ڈالر دی قیمت 142تیکر جا اپڑی۔
