افغان انٹیلی جنس دے اہلکاراں نوں پاکستانی شناختی کارڈ جاری ہون دا انکشاف

افغان انٹیلی جنس دے اہلکاراں نوں پاکستانی شناختی کارڈ جاری ہون دا انکشاف

اسلام آباد(پاکستان پوائنٹ نیوز05۔دسمبر۔2018ء) سینیٹ دی کابینہ سیکرٹریٹ کمیٹی دے اجلاس وچ افغان انٹیلی جنس دے اہلکاراں نوں پاکستانی شناختی کارڈ جاری ہون دا انکشاف ہویا اے۔ سینیٹر طلحہ محمود نے دسیا کہ نادرا نے افغان انٹیلی جنس دے اہلکاراں نوں پاکستانی شناختی کارڈ جاری کیتے ہوئے نیں۔ تفصیل دے مطابق سینیٹ دی کابینہ سیکرٹریٹ دا اہم ترین اجلاس ہویا ۔

اجلاس وچ کئی معاملات بارے غور کیتا گیا۔سینیٹ دی کابینہ سیکرٹریٹ دا اجلاس سینیٹر طلحہ محمود دی صدارت وچ ہویا۔ سینیٹر طلحہ محمود نے سینیٹ دی کابینہ سیکرٹریٹ کمیٹی دے اجلاس وچ انکشاف کیتا کہ افغان انٹیلی جنس اہلکاراں نوں پاکستانی شناختی کارڈ جاری ہوندے رہے نیں۔ ایس موقعے تے اوہناں نے ارکان نوں دسیا کہ نیشنل ڈیٹا اینڈ رجسٹریشن اتھارٹی(نادرا) نے افغان انٹیلی جنس دے اہلکاراں نوں پاکستانی شناختی کارڈ جاری کیتے ہوئے نیں۔

اوہناں نے ایہ وی دسیا کہ نادرا نے تاجک تے افغان لوکاں دی وڈی گنتی نوں شناختی کارڈ جاری کیتے نیں۔ اوہناں دا آکھنا سی کہ جیہڑے غیر ملکیاں نوں پاکستانی شناختی کارڈ جاری کیتے گئے اوہناں دا بھارت آنا جاندا اے تے اوہناں دے پاسپورٹ اُتے بھارتی ویزے وی لگے ہوئے نیں۔